પોરબંદરમાં ભાજપ-કોંગ્રેસ વચ્ચે દુશ્મનાવટ થાય તેવો વિડીઓ ફેસબુક પેજ પર વાઈરલ થતા પોલીસ ફરિયાદ નોંધાઈ છે.
પોરબંદરમાં અબતક ન્યુઝ પેપર અને ન્યુઝ ચેનલના રીપોર્ટર અશોકભાઈ થાનકીએ કમલાબાગ પોલીસ મથક માં નોંધાવેલ પોલીસ ફરીયાદ મુજબ ગત તા. ૨૫/૧૧ ના રોજ તેમને મોબાઈલ ઉપર લીંક મળી હતી. જેમાં પોરબંદર અબતક નામના ફેસબુક પેજ પર અશોકભાઈ ની અબતક ન્યુઝ ચેનલને ભળતાં નામનો ઉપયોગ કરીને પોરબંદર અબતક નામનું ફેસબુક પેજ બનાવી પેજ ઉપર ભાજપ તથા કોંગ્રેસ પક્ષ વચ્ચે દુશ્મનાવટ થાય તેવા ઈરાદાપુર્વક ઉશ્કેરણીજનક વીડીયો સોશ્યલ મીડીયામાં વાચરલ થયો હતો. આથી તેઓએ પોરબંદર અબતક નામના ફેસબુકના પેજ બનાવનાર અજાણ્યા શખ્શ વિરૂધ્ધ ફરિયાદ નોંધાવતા પોલીસે વધુ તપાસ હાથ ધરી છે.
