પોરબંદર માં પ્રાથમિક શિક્ષકો દ્વારા જૂની પેન્શન યોજના માં સમાવવા ધારાસભ્ય ને આવેદન પાઠવી રજૂઆત કરાઈ હતી.
પોરબંદર જીલ્લા માં તા. ૧/૦૪/૨૦૦૫ પહેલા ભરતી થયેલ પ્રાથમિક શિક્ષકો દ્વારા ધારાસભ્ય અર્જુનભાઈ મોઢવાડિયા ને આવેદન પાઠવી જણાવ્યું હતું કે ગુજરાત સરકાર અને શિક્ષકોના સંગઠનો સાથે ૧૬ મી સપ્ટેમ્બરના રોજ ના સમાધાન અન્વયે તા. ૧/૦૪/૨૦૦૫ પહેલા ભરતી થયેલા શિક્ષકોને ‘ જુની પેન્શન યોજના” માં સમાવેશ કરવા અંગે સરકાર દ્વારા જાહેરાત કરાઈ હતી, પરંતુ આજ સુધી આ અંગેનો ઠરાવ કરવામાં આવ્યો નથી. આથી આ બાબતનો ઠરાવ વહેલી તકે કરવામાં આવે તેવી રજુઆત સરકારમાં કરી શિક્ષકો ને જુની પેન્શન યોજનાનો લાભ અપાવવા રજૂઆત માં જણાવ્યું હતું.