કુતિયાણા ના ચૌટા ગામ નજીક થી પોલીસે ૧૯૨ બોટલ વિદેશી દારૂ સાથે એક શખ્શ ને ઝડપી લીધો છે. દારૂ આપી જનાર નું પણ નામ ખુલતા પોલીસે તેની શોધખોળ હાથ ધરી છે.
કુતિયાણા ના પી એસ આઈ એ.એ.મકવાણા તથા સર્વેલન્સ સ્ટાફ પેટ્રોલીંગમાં હતા. તે દરમ્યાન બાતમી મળી હતી કે ચૌટાગામના લીંગડા વાડી વિસ્તારમાં આવેલ નદામણ વોકરામા હાર્દીક ઉર્ફે ફીરો કાનાભાઇ નંદાણીયા નામનો શખ્શ દારૂની હેરાફેરી કરે છે. જેથી પોલીસે તુરંત ત્યાં દરોડો પાડતા હાર્દિક ૮૩૨૮૦ રૂ ની કીમત ની ૧૯૨ બોટલ દારૂ સાથે મળી આવ્યો હતો. આથી પોલીસે તેની ધરપકડ કરી વધુ પુછપરછ કરતા આ દારૂ તેને ચૌટા ગામે રહેતો જયેશ ગોવિંદભાઈ સોલંકી નામનો શખ્શ પોતાની કાર માં આપી ગયો હોવાનું જણાવતા પોલીસે તેની સામે પણ ગુન્હો નોંધી તેની શોધખોળ હાથ ધરી છે.
