કલકતા ખાતે રાષ્ટ્રીયકક્ષાની વ્હીલચેર ક્રિકેટ ટુર્નામેન્ટ યોજાશે જેમાં ગુજરાતની ટીમના કેપ્ટન પોરબંદર ના વતની ભીમાભાઇ ખુંટી ને ઇન્ડીયન ગ્લેડીયેટર્સ ટીમની કેપ્ટનશીપ મળી છે.
ગુજરાતની વ્હીલચેર ક્રિકેટ ટીમના કેપ્ટન પોરબંદરના ભીમા ખુંટી કોલકત્તામાં રમાનાર ટી-ટવેન્ટી સિરીઝમાં ઇન્ડિયન ગ્લેડીયેટર્સ ટીમની કેપ્ટનશીપ કરશે, આગામી ૪ અને ૫ માર્ચ દરમિયાન કોલકાતાના પ્રગતિ સિંઘ ગ્રાઉન્ડ પર વ્હીલચેર ક્રિકેટ ટુર્નામેન્ટનું આયોજન થવા જઈ રહ્યું છે. આ ક્રિકેટ ટુર્નામેન્ટમાં પુરા ભારતભરના બેસ્ટ વ્હીલચેર ક્રિકેટરોનું સિલેકશન થયું છે. આ ટુર્નામેન્ટનું આયોજન વ્હીલચેર ક્રિકેટ ઇન્ડિયા એસોસિએશન દ્વારા કરવામાં આવ્યું છે. આ ટુર્નામેન્ટમાં બે ટીમો ભાગ લઈ રહી છે. અને આ બંને ટીમોનું સિલેક્શન નેશનલ ટુર્નામેન્ટના પરફોર્મન્સના આધારે કરવામાં આવ્યું છે.
જેવી રીતે ઈન્ડિયા-એ અને ઇન્ડિયા-બી ટીમો રમતી હોય છે તેવી જ રીતે આ ટુર્નામેન્ટમાં એક ટીમનું નામ ઇંડિયન ગ્લેડીયેટર્સ તેમજ બીજી ટીમનું નામ ઇન્ડિયન ફાઈટર્સ રાખવામાં આવ્યું છે. જેમાં ઇન્ડિયન ગ્લેડીયેટર્સ ટીમની કેપ્ટનશીપ ગુજરાતના કેપ્ટન ભીમા ખુંટીના હાથોમાં સોંપવામાં આવી છે. ભીમાભાઈ ખૂંટીએ જણાવ્યું હતું કે, વ્હીલચેર ક્રિકેટ ઇન્ડિયા એસોસિએશનનો આભાર વ્યક્ત કરું છું કે જેમણે મારા ઉપર ભરોસો રાખીને મોટી જવાબદારી મને સોંપી છે. વધુમાં ભીમાભાઈએ જણાવ્યું હતું કે આજે હું ખુશ છું કે મને ઇન્ડિયાના ટોપ વ્હીલચેર ક્રિકેટરોની ટીમની કેપ્ટનશીપ કરવા મળશે અને સાથે આ ટુર્નામેન્ટમાંથી મને પણ ઘણું બધું શીખવા મળશે.
આ ટુર્નામેન્ટના મુખ્ય મહેમાન ૨૦૦૭ની વર્લ્ડકપ ચેમ્પિયન ટીમના બેસ્ટ બોલર આર.પી.સિંહ અને ઇન્ડિયાના બેસ્ટ ક્રિકેટરમાં જેનું નામ શામિલ છે તેવા વિનોદ કાંબલી તેમજ દિલ્હી કેપિટલ્સ ટીમના સી.ઈ.ઓ ધીરજ મલ્હોત્રા તેમજ ભારતની વ્હીલચેર ક્રિકેટ ટીમના કેપ્ટન સોમજીત સિંહ ઉપસ્થિત રહેશે. ટીમ ઈન્ડિયન ગ્લેડીયેટર્સમાં ભીમા ખુંટી (કેપ્ટન) નરેન્દ્ર બરોલીયા, રાજા બાબુ, પોશન ધ્રુવ (કિપર) ઉમેશ કૌશિક, ગોલુ ચૌધરી, અજય યાવે, કમલ કાંચોલ, અકાર અવસ્થી, સુખવન્ત સિંહ અને દુષ્યંત વગેરે ક્રિકેટરોનો સમાવેશ થયો છે.
