કુતિયાણા ના ઈશ્વરીયા ગામે અઢી વર્ષ પૂર્વે સગીરા પર દુષ્કર્મ આચરનાર શખ્સ ને કોર્ટે આજીવન કેદ ની સજા ફટકારી છે.
પોરબંદર જીલ્લા ના ગ્રામ્ય વિસ્તાર માં રહેતી સગીરા ગત તા.૨૮/૧૦/રર ના રોજ પાડોશમાં રહેતા લોકો સાથે ઈશ્વરીયા ગામની સીમમાં મજુરી કામે ગઈ હતી અને ખેતરમાં કામ કરતી હતી તે દરમિયાન ખેતરની બાજુમાં આવેલ બાવળ ની કાટમાં શૌચ માટે ગઈ હતી અને પરત આવી ન હતી જેથી સગીરા ની માતા અને અન્ય લોકો એ તેની શોધખોળ કરવા છતાં મળી ન આવતા સગીરાની માતા ને શંકા ગઈ હતી કે ઈશ્વરીયા ગામની સીમ શાળા પાસે રહેતો સદુ ઉર્ફે હદુ વેજાભાઈ સોલંકી નામનો પરણિત શખ્સ સગીરાને બદકામ કરવાના ઈરાદે અપહરણ કરી લઈ ગયો છે આથી તેણે સદુ સામે કુતિયાણા પોલીસ મથક માં ફરિયાદ નોંધાવી હતી.
ત્યારબાદ સગીરા મળી આવતા તેની પુછપરછ કરતા સગીરા એ એવું જણાવ્યું હતું કે સદુ જંગલમાં લઈ ગયો હતો અને રાત્રીના આપણે લગ્ન કરવાના છે તેમ કહી શારીરિક સંબંધ બાંધવા જણાવ્યું હતું પરંતુ સગીરા એ ઇન્કાર કરવા છતાં તેની સાથે બળજબરી પુર્વક શારીરીક સંબંધ બાંધ્યો હતો. જેથી પોલીસે પોક્સો અને આઈપીસી ની કલમ ઉમેરી સદુ ની ધરપકડ કરીહતી જે કેસ કોર્ટ માં ચાલી જતા પબ્લિક પ્રોસીકયુટર સુધિરસિંહ બી, જેઠવા દવારા ૪૦ દસ્તાવેજી પુરાવા તથા ૧૦ થી વધુ સાહેદો તપાસવામાં આવ્યા હતા તથા સરકાર તરફે ધારદાર દલીલો કરવામાં આવી હતી.જે અનુસંધાને એડી. ડીસ્ટ્રીકટ એન્ડ સેશન્સ જજ કે.એ.પઠાણ દવારા સદુઉર્ફે હદુ ને આજીવન સખત કેદની સજા તથા રૂ.પર,૦૦૦ નો દંડ ફટકારતો હુકમ કરવામાં આવ્યો છે. તેમજ ભોગ બનનાર સગીરા ને ગુજરાત વિકટીમ કમ્પેન્સેશન સ્કીમ હેઠળ રૂ.૪,૫૦,૦૦૦ વળતર તરીકે ચુકવવાનો હુકમ કરવામાં આવ્યો છે.
