પોરબંદરમાં વિદેશી દારૂની ત્રણ સુટકેશમાં ૧૪૦ બોટલ દારૂ સાથે રોકડીયા હનુમાન પાછળ રહેતા શખ્શને પોલીસે ઝડપી લીધો છે જેમાં અન્ય એક શખ્શ નું નામ ખૂલતા તેની સામે પણ ગુન્હો નોંધાયો છે.
પોરબંદરની ઉદ્યોગનગર પોલીસ પેટ્રોલીંગમાં હતી ત્યારે બાતમી મળી હતી કે નરસંગ ટેકરી નજીક રાજીવનગરના ગેટ પાસે વિદેશી દારૂનો જથ્થો સુટકેશમાં ભરીને એક શખ્સ ઉભો છે આથી પોલીસે દરોડો પાડતા રોકડીયા હનુમાન મંદિર પાછળ આરાધના સોસાયટીમાં રહેતો અશોક કેશવ ટોડરમલ નામનો શખ્સ ત્રણ સુટકેશ સાથે ઉભો હતો. પોલીસે સુટકેશની તલાશી લેતા વિદેશી દારૂની ૧૪૦ બોટલ કિંમત રૂા. ૨૯,૬૦૦ તથા ૧૫૦૦ રૂા.ની ત્રણ સુટકેશ મળી કુલ રૂા. ૩૧,૧૦૦નો મુદામાલ કબ્જે કર્યો હતો. અશોકની પૂછપરછ કરતા આ દારૂના ગુન્હામાં લલિત દમા ટોડરમલ નામના સાંઇબાબાના મંદિર પાછળ રહેતા શખ્સની મદદગારી હોવાનું ખુલતા પોલીસે તેની સામે પણ ગુન્હો દાખલ કર્યો છે.
