રાણાવાવ માં માં ૧૮ વર્ષ થી ઓછી વય ના લોકો ને તમાકુ નું વેચાણ ન કરવા અંગે ના બોર્ડ ન મુકનાર ૧૧ વેપારીઓ ને ટોબેકો કંટ્રોલ સોસાયટી દ્વારા ૨૨૦૦ નો દંડ ફટકારવામાં આવ્યો છે.
પોરબંદર જીલ્લા પંચાયત અંતર્ગત આવતી ટોબેકો કંટ્રોલ સોસાયટી ના દિનેશભાઈ દવે,દીપકભાઈ જોશી સહિતની ટીમે પોલીસ ને સાથે રાખી રાણાવાવ બસ સ્ટેન્ડ આજુબાજુ ના વિસ્તાર માં તમાકુ નું વેચાણ કરતા દુકાનદાર તેમજ એજન્સીમાં તમાકુ નિયંત્રણ અધિનિયમ ૨૦૦૩ હેઠળ ચેકિંગ હાથ ધર્યું હતું. જેમાં ૩૫ દુકાનમાં ચેકીંગ હાથ ધરતા ૧૧ દુકાનો અને ગલ્લા માં ૧૮ વર્ષથી ઓછી ઉંમરની વ્યક્તિને તમાકુનું વેચાણ ન કરવા અંગે ના બોર્ડ ન લાગ્યા ન હતા. આથી તમામ ધંધાર્થીઓ પાસે થી રૂ ૨૨૦૦ નો દંડ વસુલવામાં આવ્યો હતો. અને દરેક ને દેખાય તે રીતે બોર્ડ મુકવા સુચના આપી હતી. આ ચેકિંગ કામગીરી આગળ ના દિવસો માં પણ ચાલુ રહેશે તેવું જાણવા મળે છે. ચેકિંગ ના પગલે નિયમ નું પાલન કર્યા વગર તમાકુ બનાવટો નું વેચાણ કરતા ધંધાર્થીઓ માં ફફડાટ જોવા મળે છે.
