પોરબંદર માં ૧૮ વર્ષ થી ઓછી વય ના લોકો ને તમાકુ નું વેચાણ ન કરવા અંગે ના બોર્ડ ન મુકનાર 10 વેપારીઓ ને તંત્ર દ્વારા ૨૦૦૦ નો દંડ ફટકારવામાં આવ્યો છે.
પોરબંદર જીલ્લા પંચાયત અંતર્ગત આવતી ટોબેકો કંટ્રોલ સોસાયટી ના દિનેશભાઈ દવે સહિતની ટીમે પોલીસ ને સાથે રાખી સુદામા ચોક અને આસપાસ ના વિસ્તાર માં આવેલ પાન ની દુકાનો માં તમાકુ નિયંત્રણ અધિનિયમ હેઠળ ચેકિંગ હાથ ધર્યું હતું. જેમાં દસ દુકાનો અને ગલ્લા માં ૧૮ વર્ષથી ઓછી ઉંમરની વ્યક્તિને તમાકુનું વેચાણ કરવું તેવા બોર્ડ ન લાગ્યા ન હતા. આથી તમામ ધંધાર્થીઓ પાસે થી રૂ ૨૦૦૦ નો દંડ વસુલવામાં આવ્યો હતો. અને દરેક ને દેખાય તે રીતે બોર્ડ મુકવા સુચના આપી હતી. આગામી ૩૧ મે એ નો ટોબેકો ડે છે તેની ઉજવણી અંતર્ગત આ ચેકિંગ હાથ ધરવામાં આવ્યું હોવાનું જાણવા મળે છે. આ ચેકિંગ કામગીરી આગળ ના દિવસો માં પણ ચાલુ રહેશે તેવું જાણવા મળે છે. ચેકિંગ ના પગલે નિયમ નું પાલન કર્યા વગર તમાકુ બનાવટો નું વેચાણ કરતા ધંધાર્થીઓ માં ફફડાટ જોવા મળે છે.
