પોરબંદર
પોરબંદર નાં સરદાર પટેલ નેવલ બેઝ ખાતે ૧૦૮ ફૂટ ઉંચે રાષ્ટ્રધ્વજ ફરકાવવામાં આવ્યો હતો.
પોરબંદર નાં આઈએનએસ સરદાર પટેલ નેવલબેઝ ખાતે ફ્લેગ ઓફિસર કમાન્ડિંગ ગુજરાત નેવલ એરિયાના રિઅર એડમિરલ મનિષ ચઢા,નેવલ ઓફિસર ઇન-ચાર્જ (ગુજરાત) કોમડોર નિતિન બિશ્નોઇ (વીએસએમ),ભારતીય નૌસેના અને ભારતીય તટરક્ષક દળના કર્મીઓ,જિલ્લાના અધિકારીઓ અને શાળાના બાળકોની ઉપસ્થિતિમાં 108 ફુટના સ્મારક ફ્લેગસ્ટાફ ખાતે રાષ્ટ્રધ્વજ ફરકાવ્યો હતો.અને ફ્લેગ માસ્ટનું ઉદ્ઘાટન કરાયું હતું.ભારતીય નૌસેનાના આ ફોરવર્ડ ઓપરેશનલ બેઝ ખાતે ફ્લેટસ્ટાફ લગાવવાનો ઉદ્દેશ રાષ્ટ્રવાદની ભાવના વધુ મજબૂત બનાવવાનો અને સમગ્ર દેશમાં વધુ ભારતીયો દ્વારા મોટી સંખ્યામાં વિવિધ સ્થળો પર ‘તિરંગો’ લહેરાવવા માટે તેમને પ્રોત્સાહિત કરવાનો છે.
