પોરબંદર
ગુજરાત યુવા ભાજપ અધ્યક્ષે આજે પોરબંદર ની મુલાકાત લીધી હતી જેમાં યુવાનો સાથે ચાય સાથે ચર્ચા કરી હતી. ઉપરાંત કિર્તીમંદિર ખાતે મહાત્મા ગાંધીજી ને પુષ્પાંજલિ અર્પણ કરી હતી.ગુજરાત યુવા ભાજપ અધ્યક્ષ પ્રશાંત કોરાટે આજે પોરબંદર ની મુલાકાત લીધી હતી.સવારે તેઓએ કિર્તીમંદિર ની મુલાકાત લઇ મહાત્મા ગાંધીજી ના તૈલચિત્ર ને પુષ્પાંજલિ અર્પણ કરી હતી.ત્યાર બાદ તેઓએ ભાજપ કાર્યાલય ખાતે જીલ્લા યુવા મોરચા સાથે બૃહદ બેઠક નું આયોજન કરાયું હતું.જ્યાં તેઓએ યુવા કાર્યકર્તાઓ ના માર્ગદર્શન આપ્યું હતું.
ત્યાર બાદ બરડિયા તથા રાણાવાવ ના આશિયાપાટ ગામે યોજાયેલ યુવા સરપંચો ના સન્માન સમારોહ માં સરપંચો નું સન્માન કર્યું હતું.બપોરે ૩ વાગ્યે ખીજડી પ્લોટ ખાતે યુવાનો સાથે ચાય સાથે ચર્ચા કરી હતી.જ્યાં યુવાનો ને તેઓએ વિવિધ સ્ટાર્ટ અપ અને ભાજપ સરકાર દ્વારા સર્જવામાં આવેલ રોજગારી ની નવી તકો વિશે ચર્ચા કરી હતી.ઉપરાંત તેઓએ વધુ ને વધુ રોજગારી નું સર્જન થાય તે માટે સરકાર દ્વારા કરવામાં આવેલ પ્રયત્નો અંગે પણ માહિતી આપી હતી.
ભારતીય જનતા યુવા મોરચા ગુજરાત પ્રદેશ અધ્યક્ષ ડો.પ્રશાંતભાઈ કોરાટ પોરબંદર જિલ્લા ખાતે પ્રવાસે આવ્યા હતા અને દિવસ દરમિયાન બેઠક અને કાર્યક્રમો નું આયોજન જિલ્લા યુવા ભાજપ ના અધ્યક્ષ સ્થાને વિવિધ મંડળો દ્વારા કરવામાં આવ્યું હતું.આ પ્રવાસ માં સૌ પ્રથમ પોરબંદર જિલ્લા યુવા ભાજપ ની બૃહદ કારોબારી બેઠક નું આયોજન કરવામાં આવ્યું હતું આ બેઠક માં આગામી કાર્યક્રમો ની ચર્ચા કરવામાં આવી હતી. પ્રદેશ પ્રમુખ દ્વારા ગયા કાર્યક્રમો ની સફળતા ને યાદ કરી ને આગામી કાર્યક્રમો ને આજ રીતે સફળ બનાવવા માટે કાર્યકરો ને પ્રેરિત કર્યા હતા.ત્યારે જિલ્લા યુવા ભાજપ પ્રમુખ લકીરાજસિંહ વાળા દ્વારા આગામી કાર્યક્રમો માટે યુવા મોરચો એજ જૂનુન થી કાર્ય કરવા સક્ષમ છે એવું જણાવ્યું હતું.
આ બેઠક માં પ્રદેશ યુવા પ્રમુખ ડો પ્રશાંત કોરાટ,પોરબંદર યુવા મોરચા ના પ્રભારી સુરપાલ સિંહ ચુડાસમા,જિલ્લા યુવા ભાજપ ના અધ્યક્ષ લકિરાજસિંહ વાળા, યુવા ભાજપ ના જિલ્લા મહામંત્રી જગદીશ બાપોદરા, રામભાઈ કુછડિયા,પ્રદેશ કારોબારી સભ્ય કિંજન દત્તાણી,જિલ્લા યુવા મોરચા ના પૂર્વ પ્રમુખ અજયભાઈ બાપોદરા ની વિશેષ ઉપસ્થિતી રહી હતી.
ઉપરાંત જિલ્લા ઉપપ્રમુખો મયુરભાઈ જોશી,રામભાઈ ખુંટી ,જિલ્લા મંત્રીઓ કિરીટભાઈ બાપોદરા,અર્જુન મકવાણા , યોગેશ ગોહેલ,સુનીલ ખોખરી અને કોષાધ્યક્ષ સ્મિત જોગીયા ત્યારે શહેર યુવા ભાજપ મહામંત્રી સંદીપ પાંજરી, ઉપપ્રમુખ ભકા ઓડેદરા સાથે રાણાવાવ યુવા ભાજપ શહેર પ્રમુખ વનરાજ ઓડેદરા, મહામંત્રી સુનીલ ચૌહાણ, કુતિયાણાના શહેર યુવા ભાજપ પ્રમુખ જીતું ઓડેદરા,મહામંત્રી સની થાપલિયા,કુતિયાણાના તાલુકા યુવા ભાજપ પ્રમુખ રામદે મોડેદરા,મહામંત્રી અતુલ મારું,રાણાવાવ તાલુકાના યુવા ભાજપ ઉપપ્રમુખ હાર્દિક રાઠોડ ઉપસ્થિત રહ્યા હતા.
વિવિધ સેલ ના ઇન્ચાર્જ અને કાર્યકરો જીત રૂપારેલ, હર્ષ રૂઘાણી, આનંદ નાંઢા , કૃણાલ ગોહેલ, કેવલ જગતિયા, અભય કારાવદરા, સાગર મોઢા, મહેશ હરખાણી, કરણ સામાણી, સાગર મોઢા, શિવાંગ ધનરાજ, રોનક લોઢિયા,સંજય ફટાણીયા, હિત જોશી, જય લોઢિયા, નીતિન લોઢારી, હર્ષ ગોહેલ, કશ્યપ મોદી ઉપસ્થિત રહ્યા હતા.
બેઠક બાદ યુવા યુવા સરપંચ સમ્માન સમારોહ યોજવામાં આવ્યા હતા. જેમાં પોરબંદર વિધાનસભા ના બરાડીયા ગામ ના સરપંચ સિધરાજસિંહ જેઠવા અને તેની સમગ્ર યુવા ટીમ નું પ્રદેશ અધ્યક્ષ અને ઉપસ્થિત મહેમાનો દ્વારા કરવામાં આવ્યું હતું. આ કાર્યક્રમ માં તાલુકા પંચાયત પ્રમુખ પ્રતાપભાઈ કેશવાલા, તાલુકા પંચાયત ના કારોબારી અધ્યક્ષ કેશું ભાઈ ઓડેદરા અને શ્રી નગર ગામ ના આગેવાન લકિરાજસિંહ જેઠવા હાજર રહ્યા હતા .આ કાર્યકમ નું આયોજન પોરબંદર તાલુકા યુવા ભાજપ પ્રમુખ રાણાભાઇ મોઢવાડીયા,મહામંત્રી લખુભાઈ કારાવદરા અને સમગ્ર ટીમ દ્વારા કરવામાં આવ્યું હતું.
બપોર બાદ ના કાર્યક્રમ માં યુવા મોરચા ના પ્રમુખ દ્વારા પોરબંદર ના યુવાનો સાચે ચર્ચા કરી હતી.
ખીજડી પ્લોટ ખાતે ચાઈ પે ચર્ચા નું આયોજન પોરબંદર શહેર યુવા ભાજપ દ્વારા કરવામાં આવ્યું હતું. આ કાર્યકમ માં યુવાનો ની રાજનીતિ માં સક્રિય સહભાગિતા કેટલી મહત્વ પૂર્ણ, સ્ટાર્ટ અપ અંગે 2014 પછી આવેલ અનુકૂળ નીતિઓ ની ચર્ચાઓ કરવામાં આવી હતી.
આ કાર્યક્રમ માં ડૉ પ્રશાંતભાઈ સાથે પોરબંદર છાયા નગરપાલિકા ના સદસ્ય અને ચેરમેન ગાંગાભાઇ ઓડેદરા અને મનીષભાઈ શિયાળ પણ હાજર રહ્યા હતા ..
આ સમગ્ર કાર્યકમ પોરબંદર શહેર યુવા ભાજપના મહામંત્રી સંદીપ ભાઈ પાંજરી અને તેની સમગ્ર ટીમ દ્વારા કરવામાં આવ્યું હતું.
ત્યારબાદ રાણાવાવ નજીકના આશિયા પાટ ખાતે યુવા સરપંચ સન્માન સમારોહ કાર્યક્રમ યોજવામાં આવ્યો હતો.જેમાં ગામના સરપંચ શીતલબેન ખુંટી સહિત તેમની ટીમ ના પેનલ ના સભ્યો નું સન્માન કરવામાં આવ્યું હતું .
ડો.પ્રશાંતભાઈ કોરાટ સાથે રાણાવાવ કુતિયાણા વિધાનસભાના પૂર્વ ધારાસભ્ય કરશનભાઈ ઓડેદરા તથા આ વિસ્તાર ના આગેવાન સમાતભાઈ મોઢવાડીયા અને ડો. ભરતભાઈ આગઠ , પૂર્વ યુવા મોરચા પ્રમુખ ભીમભાઇ ઓડેદરા સહિત ગ્રામજનો ઉપસ્થિત રહ્યા હતા. આ સમગ્ર આયોજન રાણાવાવ તાલુકા યુવા ભાજપ પ્રમુખ નીતિનભાઈ ગોઢાણીયા, મહામંત્રી સંજયભાઈ કેશવાલા અને સમગ્ર ટીમ દ્વારા કરવામાં આવ્યું હતું.ત્યારબાદ સંધ્યાએ બિલેશ્વર મહાદેવ મંદિર અને રાણાવાવ ખાતે જાંબુવન ગુફા ની મુલાકાત લીધી હતી.
