પોરબંદર
કુતિયાણા ના મહિયારી ગામે આવેલ મહંત શ્રી વીરદાસજી હાઈસ્કુલ ખાતે રક્તદાન કેમ્પ યોજાયો હતો.જેમાં ૧૦૦ જેટલા રકતદાતાઓ એ રક્તદાન કરી માનવતા મહેકાવી હતી.
કુતિયાણા ના મહિયારી ગામે આવેલ મહંત શ્રી વીરદાસજી હાઈસ્કુલ ખાતે જિલ્લા શિક્ષણાધીકારીની કચેરી પોરબંદર અને સંચાલક મંડળ પોરબંદર તથા મા.અને ઉમા.શિક્ષક સંધ નોન ગ્રાન્ટેડ ગ્રાન્ટેડ-સરકારી પોરબંદર,ના સંયુક્ત ઉપક્રમે રક્તદાન કેમ્પ યોજવામાં આવ્યો હતો.જેની જવલંત સફળતામાં સહભાગી એવા ભરતભાઇ પરમાર- સરપંચ અને પૂર્વ પ્રમુખ તા.પં કુતિયાણા,કાંધલભાઈ જાડેજા ધારાસભ્ય, કુતિયાણા,રમેશભાઈ ઓડેદરા-કારોબારી અધ્યક્ષ તથા પૂર્વ પ્રમુખ, જિ.પં પોરબંદર, સંદીપભાઈ સોની-ઇ.આઈ.પોરબંદર,કરશનભાઇ મોઢા મહામંત્રી સંચાલક મંડળ પોરબંદર, પુંજાભાઈ ઓડેદરા પ્રમુખ મા.શિક્ષક સંઘ પોરબંદર તેમ જ અરજણભાઇ આગઠ,નવઘણભાઇ પરમાર,મહેશભાઇ ભીંભા મંત્રી સંચાલક મંડળ પોરબંદર ગ્રામ કેળવણી મંડળ– મહિયારી તેમ જ તમામ સહયોગી શાળાઓના આચાર્યો નો આ તકે નરેન્દ્રસિંહ રાયજાદા આચાર્ય મહિયારી હાઇસ્કૂલ તથા શાળા પરિવાર તરફથી આભાર માનવામાં આવ્યો હતો.આ કેમ્પ માં કુલ ૧૦૦ જેટલા રકતદાતાઓ એ રક્તદાન કરી માનવતા મહેકાવી હતી.
