Wednesday, September 28, 2022

|| तुम रक्षक काहू को डरना ||

પોરબંદર માં વધુ 2 પશુઓને લમ્પી વાયરસ:2 પશુઓ ના મોત:પશુપાલન વિભાગ દ્વારા વેક્સીનેસન શરુ કરાશે

પોરબંદર

પોરબંદરના પશુઓ માં લમ્પી વાયરસ નું પ્રમાણ વધી રહ્યું છે.અગાઉ ૨૩ પશુઓ માં આ રોગ નોંધાયા બાદ વધુ 2 પશુઓ ને લમ્પી વાયરસ થયો હોવાનું તથા 2 પશુઓ ના મોત થયા હોવાનું સામે આવ્યું છે.

પોરબંદર શહેરમાં પશુઓ માં લમ્પી સ્કિન ડીસીઝનું પ્રમાણ વધી રહ્યું છે.અગાઉ ૨૧ રેઢિયાળ અને 2 માલિકી ના પશુઓ માં લમ્પી વાયરસ મળી આવ્યા બાદ વધુ 2 ગૌધનને આ રોગ થયાનું સામે આવ્યું છે.જેથી લમ્પી સ્કિન ડીસીઝનો કુલ આંક ૨૫ એ પહોંચ્યો છે.જીઆઇડીસી ખાતે આવેલ આઇસોલેશન વિભાગમાં સારવાર લઇ રહેલ ૧ પશુ નું મોત થયું છે. જયારે અન્ય એક પશુ ને સારવાર મળે તે પહેલા જ તેનું મોત થયું છે.જેથી મોત નો કુલ આંક ૪ થયો છે.પશુપાલન વિભાગ ના તબીબ ડો ભરત મંડેરા એ જણાવ્યું છે કે હાલ ગોટ પોક્સ વેક્સીન ના 650 વેકશીનના ડોઝ છે.એક દાતા ના સહયોગથી વધુ 2000 ડોઝ મંગાવવામાં આવ્યા છે.પાલિકાની પશુ પકડવાની ટીમ રોગ ગ્રસ્ત ગૌધનને પકડીને આઇસોલેશન વિભાગમાં લાવે છે.ત્યારે રઝળતા પશુઓનું રસીકરણ કરવા માટે વધુ સ્ટાફની જરૂર ઉભી થઇ છે.જેથી પાલિકા ના સ્ટાફના સહયોગ થી રસીકરણ કામગીરી કરવામાં આવશે તેવું જણાવ્યું છે.

આ પોસ્ટ શેર કરો

Facebook
Twitter
LinkedIn
WhatsApp
Email
Print

You cannot copy the content of this page.

આ વેબસાઇટનો ઉપયોગ કરતી વખતે તમારો અનુભવ કેવો રહ્યો?

તમારો જવાબ અમને આ વેબસાઇટને વધુ સારી બનાવવામાં મદદ કરશે