પોરબંદર

પોરબંદરના ઓડદર થી ઘેડ પંથક સુધી ના વિસ્તાર માં પરપ્રાંતીય વૃદ્ધાને હડકવા ઉપડયાની ઓડિયો-વિડીયો કલીપ વાયરલ થઈ છે.જો કે આ અંગે પોલીસે તપાસ હાથ ધરતા આવી કોઈ વૃદ્ધા મળી આવી ન હતી.

પોરબંદરના ઓડદરથી ઘેડ સુધીના વિસ્તારમા એક પરપ્રાંતીય વૃદ્ધા ફરી રહી છે.અને આ વૃદ્ધાને હડકવા ઉપડ્યો છે. તેવી સોસીયલ મીડિયામાં ઓડિયો અને વિડીયો કલીપ વાયરલ થઇ છે.જેમાં એવું જણાવાયું હતું કે આ વૃદ્ધા ને હડકવા થયો છે.અને ઓડદર માં 3 થી 4 લોકો ને બચકા પણ ભર્યા છે.અને હવે તે મળતી નથી.જેથી તેનાથી ચેતતા રહેવા અને ધ્યાન રાખવા જણાવાયું છે.

જે વિડીયો વાઈરલ થતા ગ્રામ્ય પંથક માં ભય જોવા મળતો હતો.અને કેટલાક ગામો માં તો લોકો પોતાના બાળકો ને ઘર ની બહાર પણ નીકળવા ન દેતા હોવાનું જાણવા મળે છે.આ અંગે હાર્બર મરીન પોલીસ ને જાણ થતા પી.આઈ. ડો.બી. બી. પટેલે સમગ્ર વિસ્તાર માં પોલીસ ટીમ દોડાવી અને તપાસ કરવામાં આવી હતી.પરંતુ આ વૃદ્ધા મળી આવી ન હતી. ઓડદર અને આસપાસ ના વિસ્તાર માં રહેતા લોકો ને પણ પૂરછપરછ કરવામાં આવી હતી.પરંતુ કોઈ એ આ વૃદ્ધા જોઈ ન હોવાનું પોલીસ ને જણાવ્યું હતું.ઉપરાંત સેવાભાવી સંસ્થાઓ ના કાર્યકરો એ પણ સમગ્ર વિસ્તાર માં તપાસ હાથ ધરતા આવી કોઈ વૃદ્ધા મળી આવી નથી.

ઉલ્લેખનીય છે કે,વિડિઓ બનાવનારને પણ વૃદ્ધાએ બચકં ભર્યું હોય તેવું કલીપ માં જણાતું નથી.અને વૃદ્ધાની માનસિક સ્થિતિ સારી ન હોય તેવું લાગી રહ્યું છે.ત્યારે કોઈ શખ્સે આ વૃદ્ધાને હડકવા થયો હોવાનું જણાવી કલીપ બનાવી વાયરલ કરી છે.ખરેખર તો વિડિઓ અને કલીપ વાયરલ કરનાર લોકોએ પોલીસ કે વહીવટીતંત્ર ને જાણ કરવાને બદલે લોકોમાં ભય ફેલાય તે રીતે કલીપ વાઈરલ કરી છે.જેથી આવી કલીપ વાયરલ કરનાર સામે પગલા લેવામાં આવે તેવી પણ માંગ ઉઠી છે.